वाहनासह अकरा लाख बहात्तर हजाराचा, गुटखा व तंबाखू जप्त.
1) बिलाल महताबसाब तांबोळी वय 26 वर्ष राहणार रेणापूर.
लातूर (प्रतिनिधी) दिनांक 24/10/2024 रोजी स्थानिक गुन्हे शाखेच्या पोलीस पथकास खात्रीशीर माहिती मिळाली की, काही काही व्यक्ती लपून-छपून नवनवीन मार्गाने महाराष्ट्र शासनाने प्रतिबंधित केलेले अन्नपदार्थ तंबाखूजन्य पदार्थाची अवैध विक्री व्यवसाय करण्यासाठी साठवणूक व वाहतूक करीत आहे. अशी खात्रीशीर बातमी मिळाल्याने सदर माहितीची शहानिशा करून स्थानिक गुन्हे शाखेच्या दोन पथकांनी दिनांक 24/10/2024 रोजी लातूर शहरातून पोलीस ठाणे रेणापूर व विवेकानंद चौक हद्दी मधून वाहतूक व साठवणूक करण्यात आलेला महाराष्ट्र शासनाने महाराष्ट्र राज्यामध्ये विक्रीसाठी प्रतिबंधित केलेला 11 लाख 72 हजार 650 रूपयाचा गुटखा व सुगंधित तंबाखू , एक इनोव्हा कारसह जप्त करण्यात आले आहे. प्रतिबंधित गुटखा व सुगंधित तंबाखूची अवैधरित्या ट्रान्सपोर्टिंगच्या माध्यमातून वाहतूक व साठवणूक केल्याचे मिळून आलेले इसम
2) बालाजी आळणे, राहणार कळंब जिल्हा धाराशिव (उस्मानाबाद)
3) फिरोज चांदसाब मणियार, वय 35 वर्ष,राहणार बौद्ध नगर लातूर.
यांचे विरुद्ध गुन्हे दाखल करण्यात आले आहेत. गुन्ह्याचा पुढील तपास पोलीस ठाणे रेणापूर व विवेकानंद चौक चे पोलीस अधिकारी,अंमलदार करीत आहेत.
सदरची कामगिरी वरिष्ठांचे मार्गदर्शनात,स्थानिक गुन्हे शाखेचे पोलीस निरीक्षक संजीवन मिरकले यांचे नेतृत्वात पोलीस अमलदार राहुल सोनकांबळे, साहेबराव हाके, रामहरी भोसले, अर्जुन राजपूत, दीनानाथ देवकते, युवराज गिरी, मनोज खोसे, राहुल कांबळे, खुर्रम काझी, रियाज सौदागर, विनोद चलवाड, जमीर शेख यांनी पार पाडली.
