पोलीस ठाणे गांधी चौक चे तपास पथक व चार्ली पोलीस पेट्रोलिंग पोलिसांची कामगिरी
लातूर :- ( प्रतिनिधी ) याबाबत थोडक्यात हकीकत अशी की, दिनांक 16/06/2022 रोजी पोलिस स्टेशन गांधी चौक येथे दाखल झालेल्या जबरी चोरीच्या गुन्हा उघडकीस आणण्याकरिता वरिष्ठांचे मार्गदर्शनात पोलीस पथक तयार करण्यात आले. सदर पथक गुन्हा उघडकीस आणण्याचा प्रयत्न करीत असताना दिनांक 17 /06/ 2022 गुन्हे तपास पथकातील पोलिसांना माहिती मिळाली की, दोन मुले गांधी चौक मार्केट मधील मोबाईल दुरुस्तीच्या दुकानांमध्ये त्यांच्या कडील मोबाईलला सॉफ्टवेअर मारून मोबाईलचा लॉक तोडण्या संबंधी विचारपूस करीत फिरत आहे. अशी माहिती मिळाल्याने सदरच्या माहितीची शहनिशा करून वरिष्ठांच्या मार्गदर्शनात नमूद माहिती मधील ठिकाणी पोलीस पथक पोहोचले. तेथे दोन मुले संशयितरित्या वावरताना आढळून आल्याने त्यांना ताब्यात घेऊन विचारपूस केली असता त्यांनी त्यांचे नाव
01)आजिम कासिम सय्यद, 25 वर्ष, राहणार शास्त्रीनगर लातूर सध्या राहणार सावेवाडी, लातूर.
02) कृष्णा दिगंबर भोसले, वय 22 वर्ष, राहणार गोविंद नगर, कळब रेल्वे गेट जवळ, लातूर.
असे असल्याचे सांगितले.
त्यांची अंगझडती घेतली असता त्यांच्याकडे वेगवेगळ्या कंपनीचे एकूण आठ मोबाईल फोन आढळून आले. सदर मोबाईल फोन बाबत त्याच्याकडे विचारपूस केली असता त्यांनी सांगितले की, आम्ही सदरचे मोबाईल लातूर शहरातून वेगवेगळ्या ठिकाणा वरील लोकांना दमदाटी करून मोबाईल हिसकावून घेऊन चोरी केल्याचे सांगितले. त्यावरून नमूद आरोपींना पोलीस ठाणे गांधी चौक येथे दाखल असलेला गुन्हा रजिस्टर क्रमांक 267/2022 कलम 392 भादवी मध्ये अटक करण्यात आली असून त्यांच्याकडून गुन्ह्यात वापरलेली स्प्लेंडर मोटर सायकल व चोरीचे 08 मोबाईल असा एकूण एक लाख 93 हजार 800रुपयांचा मुद्देमाल जप्त करण्यात आलेला आहे.
गुन्ह्याचा पुढील तपास पोलीस स्टेशन गांधी चौक पोलीस अंमलदार पवार हे करीत आहेत.
सदरची कारवाई उपविभागीय पोलीस अधिकारी, (लातूर शहर) श्री.जितेंद्र जगदाळे यांचे मार्गदर्शनात, पोलीस ठाणे गांधी चौक येथील पोलीस निरीक्षक प्रेमकुमार माकोडे यांचे नेतृत्वात पोलीस तपास पथकातील पोलीस अंमलदार दामोदर मुळे, युसुफ शेख, रणवीर देशमुख, शिवाजी पाटील, दत्ता शिंदे, रणजित शिंदे तसेच चार्ली पोलीस पेट्रोलिंग क्रमांक 1 व 2 चे पोलीस अंमलदार गोविंद मुळे, श्रीमंत आरदवाड, अर्जुन डिगोळे यांनी केली.