तीन आरोपी अटक
लातूर ( प्रतिनिधी ) पोलीस अधीक्षक श्री.निखिल पिंगळे यांचे आदेशान्वये अप्पर पोलीस अधीक्षक श्री.अनुराग जैन, उपविभागीय पोलिस अधिकारी लातूर शहर श्री.जितेंद्र जगदाळे यांचे मार्गदर्शनात पोलीस निरीक्षक स्थानिक गुन्हे शाखा श्री.गजानन भातलवंडे यांचे नेतृत्वात पोलीस स्टेशनला घडलेले मालाविषयक गुन्हे उघडकीस आणण्याकरिता पोलीस अधिकारी व अंमलदार यांना सूचना व मार्गदर्शन करण्यात आले होते.
पोलीस स्टेशनला दाखल असलेल्या विशेषता मोटारसायकल चोरीचे गुन्हे उघडकीसआणण्याकरिता विशेष पथके स्थापन करून गुन्हे उघड करण्याचे प्रयत्न सुरू होते .
त्या अनुषंगाने सदर पथके माहितीचे संकलन करीत असताना, माहिती घेत असताना दिनांक 29/ 06/2022 रोजी स्थानिक गुन्हे शाखेच्या पथकाला माहिती मिळाली की, गरुड चौक नांदेड रोड परिसरात चोरीच्या मोटारसायकली खरेदी व विक्री चा व्यवहार होणार आहे. अशी खात्रीशीर बातमी मिळाल्याने सदर पथकाने गरुड चौक परिसरात सापळा लावून चोरीच्या मोटरसायकल खरेदी-विक्रीचा व्यवहार करणाऱ्या इसमांना ताब्यात घेण्यात आले. त्यांना विश्वासात घेऊन विचारपूस केली असता सदरच्या इसमांनी त्यांचे नाव-
1) करण तुकाराम सूर्यवंशी व 19 वर्ष धंदा मजुरी राहणार बनशेळकी रोड उदगीर.
2) किशोर सखाराम कांबळे व तीस वर्ष धंदा मजुरी राहणार बनशेळकी रोड उदगीर
3) सुनील अशोक बुक्का वय 23 वर्ष धंदा मजुरी राहणार बनशेळकी रोड उदगीर
असे असल्याचे सांगितले स्थानिक गुन्हे शाखेच्या पथकाने सदर इसमांना ताब्यात घेऊन त्यांच्याकडे चौकशी केली असता चौकशी मध्ये त्यांनी त्यांच्याकडील मोटरसायकली ह्या लातूर शहरातील विविध ठिकाणाहून चोरलेल्या असल्याचे सांगितले.
सदर मोटारसायकली संदर्भाने लातूर जिल्ह्यात 4 गुन्हे दाखल असल्याचे निष्पन्न झाले आहे ते पुढील प्रमाणे.
1) पोलीस ठाणे विवेकानंद चौक गुन्हा रजिस्टर क्रमांक 84/2022 कलम 379 भादवी.
2)पोलीस ठाणे विवेकानंद चौक गुन्हा रजिस्टर क्रमांक 375/2022 कलम 379 भादवी.
3) पोलीस ठाणे गांधी चौक, गुन्हा रजिस्टर क्रमांक 389/2022 कलम 379 भादवी.
4) पोलीस ठाणे उदगीर ग्रामीण
गुन्हा रजिस्टर क्रमांक 138/2022 कलम 379 भादवी.
प्रमाणे गुन्हे दाखल असून या गुन्ह्यामध्ये चोरीस गेलेल्या 2 मोटरसायकल आणि एक मोबाईल असा एकूण 1 लाख 17 हजार रुपयांचा मुद्देमाल मिळून आलेला आहे.
सदरची कामगिरी वरिष्ठांचे मार्गदर्शनात स्थानिक गुन्हे शाखेचे पोलीस निरीक्षक श्री.गजानन भातलवंडे यांचे मार्गदर्शनात अंमलदार अंगद कोतवाड, माधव बिल्लापट्टे, राजू मस्के, राजेश कंचे, जमीर शेख, नितीन कठारे, नकुल पाटील यांनी पार पाडली.