पोलीस ठाणे गांधी चौकची कारवाई.
लातूर (प्रतिनिधी) या बाबत थोडक्यात हकीकत अशी की,पोलीस ठाणे गांधी चौक येथे येऊन नमूद गुन्ह्यातील फिर्यादीने त्याच्या मालकीची बोलोरो पिकअप गाडी क्रमांक एम.एच. 24 एफ. 9836 हि दिनांक 27/06/2022 रोजी ते 28/06/2022 रोजीच्या मध्यरात्री कोणीतरी अज्ञात चोरट्याने सम्राट चौक परिसरातून चोरून नेली आहे. वगैरे फिर्याद वरून पोलीस ठाणे येथे गुन्हा रजिस्टर क्रमांक 288/2022 कलम 379 भादवि प्रमाणे गुन्हा दाखल करण्यात आला. गुन्ह्याचा तपास सहायक पोलीस निरीक्षक कोले हे करीत होते.सदर गुन्हा उघडकीस आणने कामी श्री.निखील पिंगळे पोलीस अधीक्षक, लातूर, श्री.अनुराग जैन अप्पर पोलीस अधीक्षक, लातूर, श्री.जितेंद्र जगदाळे उप विभागीय पोलीस अधीकारी लातूर शहर याचे मार्गदर्शनाखाली पोलीस निरीक्षक प्रेमप्रकाश माकोडे यांचे नेतृत्वात गुन्ह्यातील अरोपीच्या शोधकामी स्थानिक गुन्हे शाखा व पोलीस ठाण्याचे संयुक्त पथक तयार करण्यात आले.सदर गुन्ह्याच्या अनुषंगाने तपास करीत असताना पथकास गुप्तबातमीदारा मार्फत माहिती मिळाली की, सम्राट चौक येथून चोरीस गेलेली बोलेरो पिकअप वाहन वैराग ते सोलापूर जाणारे रोडवर एका धाब्याच्या बाजूला लपवून ठेवलेला आहे. अशी माहिती मिळतात सदर पथक वैराग ते सोलापूर जाणारे रोडवरील नमूद ठिकाणी पोहोचून पाहणी केली असता गुन्ह्यात चोरीस गेलेले बोलेरो पिकअप तेच असल्याचे निष्पन्न झाले.पथकाने सदर ठिकाणी सापळा लावला थोड्याच वेळात त्या पिकअप मध्ये दोन इसम बसताना पथकाने त्यांना ताब्यात घेतले व त्यांच्याकडे विचारपूस केली असता त्यांनी त्यांचे नाव 1) अकबर हसन शेख, वय 35 वर्ष, राहणार फुलेनगर केज जिल्हा बीड. सध्या राहणार बरकत नगर,
लातूर
2) सचिन शेषराव मोरे, वय 33 वर्ष, राहणार भीम नगर, परळी जिल्हा बीड. सध्या राहणार आनंद नगर, लातूर.
असे असल्याचे सांगून नमूद पीकअप वाहन त्याने सम्राट चौक येथून चोरी केल्याचे कबूल केले. त्यावरून आरोपींना त्यांनी गुन्ह्यात चोरलेल्या पिकअप वाहन व चोरी करताना वापरलेली कार सहित 14 लाख रुपयाच्या मुद्देमालसह पोलीस स्टेशन गांधी चौक येथे आणून आरोपींना अटक करण्यात आली आहे.
तपास पथकातील पोलीस अधिकारी, अंमलदार यांनी गुन्हा उघडकीस आणण्याच्या अनुषंगाने मिळालेल्या माहितीचा बारकाईने अभ्यास व विश्लेषण करून गुन्हा उघडकिस आणून गुन्ह्यात चोरलेला मुद्देमाल हस्तगत केला आहे.
सदरची कामगिरी वरिष्ठांचे मार्गदर्शनात पोलीस ठाणे गांधी चौक चे पोलीस निरीक्षक प्रेमप्रकाश माकोडे यांचे नेतृत्वात पोलीस अंमलदार दामोदर मुळे, युसूफ शेख, रणवीर देशमुख, शिवाजी पाटील, रणजीत शिंदे, तसेच स्थानिक गुन्हे शाखेचे दीनानाथ देवकते, प्रमोद तरडे यांनी केली आहे.