अवैध मद्य निर्मिती विरोधात उतरले अधिकारी
औसा : ( प्रतिनिधी) राज्य उत्पादन शुल्क विभागाचे आयुक्त कांतीलाल उमाप ,संचालक सुनील काण यांनी दिलेल्या निर्देशानुसार व विभागीय उपआयुक्त प्रदीप पवार यांच्या मार्गदर्शनाखाली लातूर जिल्हयातील अधीक्षक अभिजत देशमुख यांनी भरारी पथक, उस्मानाबाद लातूर यांच्या स्टाफ व लातूर स्टाफ समवेत यांनी कृष्णार्जुन अँग्रो इंडस्ट्रिज अँड वेअर हाऊस, भुसणी शिवार, हासेगांव रोड, भूसणी, ता. औसा, जि. लातूर या ठिकाणी दिनांक २६/०७/२०२२ रोजी छापा टाकला असता सदर ठिकाणी अवैधरित्या विनापरवाना बनावट देशी मा निर्मिती व त्यासाठी लागणारे स्पिरीट (मद्यसार) ची वाहतूक व विक्री करण्याच्या उद्देशाने बाळगुन असतांना मिळून आला सदर गुन्हयामध्ये (१) २०० ली. क्षमतेचे ३९ प्लॅस्टीक बॅरल ज्यात ७८०० ली. स्पिरोट (२) फेलवर (इसेंस) (३) २० बॉक्स टोपण (बुचे) (४) एकबॉटलोंग (सिलींग व पॅकींग) मशीन (५) पाणी फिल्टर मशीन (६) ब्लॅड मिक्सींग मशीन (७) विविध बँडचे लेबल (८) अल्कोहोल मिटर (९) मेजरींग टयुब (१०) १८० मिली काचेच्या बाटल्या (११) ९० मिली प्लॅस्टीक बाटल्या (१२) पाणी मोटर (१३) रिकामे कार्टून बॉक्स (१४) २०० ली. क्षमतेचे सिंटेक्स टाक्या (१५) ५०० ली क्षमतेचे सिंटेक्स टाक्या (१६) पॅकींग स्लीप (१७) दोन मोबाईल (२८) इरटिका चारचाकी वाहन क्र. MH-१२ HZ-६१०२ (१९) एक अशोक लिलँड चारचाकी कंटेनर क्र. MH-४-EM-८४५० (२०) एक टाटा चारचाकी ट्रक क्र. MH-४०-BL-८४०७ असा एकूण ५१, ६३, ५५०/- (ऐकावन्न लाख प्रेसष्ट हजार पाचशे पन्नास रुपये) इतका अवैध मुद्देमाल जप्त करण्यात आला. सदर गुन्हयामध्ये रविकुमार शिवपुजन गुप्ता, वय २७ वर्षे, रा. कानपुर तालुका, उत्तरप्रदेश आणि ज्ञानेश्वर बाबुसिंग राजपुत वय ४५ वर्ष रा. दहिंदुले, ता. पातोंडा, जि. नंदुरबार यांना अटक करण्यात आली.
सदर कारवाईमध्ये अधीक्षक अभिजित देशमुख, भरारी पथक निरीक्षक टी. एस. कदम, दुय्यम निरीक्षक पी. जी. कदम, सचिन शेटे, आर. ए. घोरपडे, जवान महेश कंकाळ, विशाल चव्हाण, राजेश गिरी, एजाज शेख तसेच लातूर निरीक्षक आर. एम. बांगर, दुय्यम निरीक्षक एल. बी. माटेकर, अमोल शिंदे, सहाय्यक दुय्यम निरीक्षक गणेश गोले, अनिरुद्ध देशपांडे. हनुमंत मुंडे, संतोष केंद्रे. सुरेश काळे, यांनी सहभाग नोंदविला. पुढील तपास भरारी पथक, उस्मानाबाद/लातूर निरीक्षक- टी.एस. कदम हे करित आहेत.
अवैध मद्यविक्री विरोधात कारवाई यापुढेही चालू राहणार असून, अवैध मद्याबाबत माहिती असल्यास टोल फ्री १८००२३३९९९९ क्रमांक व या कार्यालयास माहिती दिल्यास माहिती देणा-याचे नांव गुप्त ठेवले जाईल असे अभिजित देशमुख, अधीक्षक, राज्य उत्पादन शुल्क, लातूर यांनी अवैध धंदेवाल्याची माहीती देण्यात यावी असे आवाहन करण्यात आले.